Қызылқұйрық құмтышқан (лат. Мeriones libycus) – аламан тұқымдасына жататын кеміргіш сүтқоректі.

Дене тұрқы 13 - 16 см, құйрығының ұзындығы 12 - 16 см, салмағы 70 - 125 г. Күрек тістерінің бір ғана сары жолағы болады. Денесінің үстіңгі жағы мен бүйірлері ашық сары не қоңырлау, бауыры — ақшыл, артқы аяқтары ұзынырақ.

Қызылқұйрық құмтышқан көбіне шөлді және шөлейтті жерлерде таралған. Бұл тышқан Қазақстанның оңтүстік және оңтүстік - шығғыс бөлігінде кездеседі, көбіне тау бөктерін, өзен алқаптарын және егіс төңірегін мекендейді. Індеріне 12 кг-ға дейін қысқы азық қорын жинайды.