Тікқұлақты қосаяқ (лат. Pygeretmus pumilio ) — кеміргіштер тұқымдасының бір түрі. Дене ұзындығы 9-12 см, артқы аяғының ұзындығы 40-52 мм. Басы кең, құлақтарының салыстырмалы мөлшері басқаларға қарағанда кішірек. Артқы аяқтарында бес саусақ. Тікқұлақты қосаяқтардың мекендейтін жерлері - Дон облысы, Солтүстік Каспий теңізі, Төменгі және Орта Еділ бойы, Орталық Азия, сонымен қатар, Қытай, Моңғолия, Иранның кейбір аймақтары жатады. Шөлді және шөлейтті жерлерде тіршілік етеді, кейде далада кездеседі. Тіршілік ету ортасы негізінен тақырлар (өсімдіктері жоқ жазық жерлер) мен сортаңдар. Көбею кезеңі көктемнен күзге дейін.

Тікқұлақты қосаяқтар ауыл шаруашылығы зиянкестері болып саналады. Қарбыз, қауын, асқабақтың егілген дәндерін жеу арқылы зиянын тигізеді. Тікқұлақты қосаяқтар бидай мен басқа да дәнді дақылдарға зиянын тигізіп, көк шөп, масақтың пісіп жетілген дәндерін жейді.

• 
• 
• 
•